مقالات
أبويا الغالي رباني
ولحم كتافي من خيره
ومهما كبرت أنا صغيره
وأموت لو عشت من غيره
وكل عمار فأيامي ده من جهده وتعميره
وسيرتي الحلوة فالدنيا دي من سيرته وتأثيره
أبويا عنده حنية تبان حتى فتكشيره
أبويا الناس بيحلفوا بيه وبنزاهته وبضميره
أبويا كلامه وسط الناس كلام موزون ليه توقيره
فمرة أساتذة ظلموني .. فجالهم الكبير يسأل على صغيره
قالوله الواد ده مترباش .. قاطعهم أبويا بزئيره
أنا ابني اتربى بالكلمة ونا واثق فأفعاله وتفكيره
ودافع عن ضناه بحرقة وأقنعهم بتبريره
أبويا الغالي رباني ولحم كتافي من خيره
يارب احفظ لي أغلى الناس ولا تحرمنا من خيره
يارب باركلنا فعمره ويسرله مشاويره
ده حتى وهو متعصب بنطمن بصوت تنهيده و زفيره
واحميه من شرار الناس وكل خسيس وتدبيره
متابعين
تابع آخر أخبارنا على أخبار غوغول نيوز
التعليقات