مقالات
للدنيا جابتني الغالية أمي وست الستات
قال عنها حبيبنا نبينا تحت أقدامها الجنات
وهادتني بأحلى هدية .. أختين زي الشربات
لسه بتسأل يا صديقي ليه بتحب الستات؟
لو ردي مكانش كفاية خد مني كمان إثبات
زوجتي وشريكة عمري .. سندي فكل الأزمات
ربك بعطاؤه رزقني منها ببنين وبنات
بنوتي حبيبتي سميرتي .. ملكة فوسط الأميرات
عماتي خالاتي حماتي زميلاتي المحترمات
ليكوا مني سلام وتحية وفوقيهم احترامات
أيوه بحب الستات
الأم حنانها يكفي ويفيض على كل الناس
والأخت حبيبة وصاحبة بتحب بكل حماس
والزوجة الصالحة دي نادرة يمكن أغلى من الماس
والبنت هدية عظيمة لازم تتشال عالراس
ربنا يحفظ ويبارك .. ويهدي بنات الناس
متابعين
تابع آخر أخبارنا على أخبار غوغول نيوز
التعليقات