مقالات
قالوا زمان الدنيا مش عادلة
وبحاول أعدلها مش بلقى ليها عدلة
الناس تهين الفقير وتعظم أبو بدلة
ويحطوا على المحترم ويخافوا من الجهلة
ولجل لذاتها يتحولوا أبالسة
عجبي عليكي يا دنيا حويطة مش سهلة
فيكي الأصيل تعبان ودروبه مش سالكة
وابن الحرام مرتاح، فاتح له ميت سكة
وسكتك تغري لكنها فاسدة
متلونة بألوان لكنها باهتة
ولا تنفعيه بألوانك يوم يدخل التربة
فأنا مش راح ابكي عليكي يا دنيا يا ماسخة
أصلك يدوب عندي متكمليش صفحة
هقلبها واستنى من ربنا الفرحة
والفرحة لإبن الناس فجنة الآخرة
متابعين
تابع آخر أخبارنا على أخبار غوغول نيوز
التعليقات