مقالات
ياما راح وسابني كتير وسابوا ليا الوجع
كل الوجع كان كوم، وفكوم فراق الجدع
وقف معايا كتير، وعمل عشاني البدع
واحتجته فالأزمات وعمره يوم ممتنع
والفتايين قالوا صاحبك عشان مصلحة
قلت الأصيل بيبان من صاحب المصلحة
والحب لو فالله هيحس بيه الحجر
ويشوفه حتى الكفيف ويغني ليه البشر
إلا اللي قلبه مريض هيحس بالحسرة
يحقد على الصحبة ويقول صحاب عيرة
يحسد صداقتهم بعيون فيها الغيرة
لكن الصحاب الحق ميهزهاش حاسدين
ولا يفترق شملهم إلا فوقت الموت
والموت عملها وخطف الصاحب المجدع
مهو أصله ميميزش بين شاب أو عواجيز
وبكيته زي الطفل مع إن دمعي عزيز
صعب الفراق وخصوصا لو لحد عزيز
متابعين
تابع آخر أخبارنا على أخبار غوغول نيوز
التعليقات