مقالات
عدد المشاهدات 363 قراءة
النهاردة ابتديت أبص في المرايا
كنت نسياها من زمان
عاوزه أرجع البنت الحلوة بتاعة زمان
لا شعرة بيضا ..
ولا كسرة تحت العين تبان
وألبس زي ما كنت بلبس واظهر وابان
وأمشي وخطوتي تهز المكان
أنا قلبي لسه شباب صغير
ويمكن أصغر مما كان
لسه قادر يحب........ يفرح
يضحك لو شاف عيونك في المكان
النهاردة أبتديت ابص في المرايا
مش عشاني..... لا عشانك
عشان لما تشوفني عيونك
القاها تضحك وأحس الأمان
مش عاوزاك تحب غيري
أو تبص لواحدة غيري
شابة من بتوع "بيس يا مان"
أو تعود لخيال عدى عليه الآوان
حب عدى وياما كان
وأعرف أن العمر عدى
وأني خلاص مابقتش شابة
بس ليه كل ماشوفك
بنسى كل العمر اللي عدى
وأفتكر بس أني........
بنت بتحب النهاردة
متابعين
تابع آخر أخبارنا على أخبار غوغول نيوز
التعليقات