مقالات
عدد المشاهدات 485 قراءة
مين اللي قال إن الكبار.... راحت عليهم
مش عاوزين حد يمسك ايدهم
يسندهم وقت احتياج
يتلموا لمة صحاب
يفرحوا ... يلعبوا... يرقصوا
وينسوا أيام العذاب
مين اللي قال إن الكبار......... مابيغلطوش
لسه ماهما عشنا بنتصدم
وناخد من الدنيا دروس
شكلنا بس اللي كبر
لكن جوانا طفل محتاج لسه لفانوس
ينور بيه عتمة ليالي
فيها وحده من غير ونيس
مين اللي قال إن اللي كبر........ قلبه مات
ويقضي عمره الباقي في سكات
لسه عندي احلام كتيرة
ماكتفتش باللي فات
ولسه بفرح بالهدية
لما حد يجبها ساعات
ولسه كتير جوايا حاجات
متابعين
تابع آخر أخبارنا على أخبار غوغول نيوز
التعليقات