عبر الكثير من جماهير نادي الزمالك عن غضبهم الشديد، من قرارات رابطة الأندية المحترفة المصرية لكرة القدم، عقب تراجعه عن تطبيق لائحة المسابقات وإلغاء خصم 3 نقاط من الأهلي في نهاية الموسم وتعميله غرامة الانسحاب أمام الزمالك في مباراة القمة بالدوري المصري الممتاز الأخيرة.

وقال الإعلامي عمرو أديب، عبر حسابه الرسمي على منصة "إكس"، اليوم الإثنين: "طب حيعملوها ازاي، نفسى اعرف حيقسموا البلد نصين ازاي حيعرفوا يرضوا جميع الأطراف ازاي هو العدل والقانون فيه قسمه على اتنين فيه شيلنى واشيلك فيه معلش استحمل شويه علشان اخوكً".

وأضاف: "ويا جماعة المسألة أبسط من كده كتير وصلوا الدرع والكاس والكوبايه والقزازه للأهلى وخلاص مش لازم تعب قلب وفلوس وفرق وزيزو وجمهور، حيحصل ايه فى الدنيا واستخدموا الفلوس فى المستشفيات والمدارس وبيب بيب أهلى ومحدش يضايق الكيان ولا إبراهيم وحسام والأهلى ينسحب او يحضر مش فارقة المهم محدش يدوسلوا على طرف وأهبل اللي يفتكر أنه فيه عداله ومعتوه اللى يفتكر انه فيه أمل".

كما كتب المخرج السينمائي عمرو سلامة عبر حسابه الرسمي على "فيس بوك": "كل الأندية المصرية باستثناء نادي واحد دورها تكون مجرد بقدونس تحت حتة الكباب، اكسسوار مضروب علشان تبروز الفستان الأحمر، كومبارس صامت يتضرب من بطل الفيلم، ولو حد فيهم قرر ياخد موقف ويظن إنه بطل المسرحية مسيرهم يعرفوه مقامه، وياخد فوق دماغه ولو مش عاجبه يخبط دماغه في الحيط".

وعبر المنتج مدحت العدل عن استيائه وغضب الشديد من قرارات رابطة الأندية، حيث كتب عبر حسابه الرسمي على "فيس بوك": "الرياضة في مصر يحكمها قانون إيكا.. أي محاولة للإلتفاف حول عقوبة الأهلي المنسحب بخلاف ماحدث للزمالك العام الماضي هو فضيحة".

وأكمل: "بيان رابطة الأندية هو فضيحة بكل المقاييس .. على المدعو أحمد دياب -رئيس رابطة الأندية المصرية- أن يقدم استقالته فورا".