علق المطرب المصري رامي جمال، على حملة التضامن الكبيرة معه بعد إعلانه إصابته بمرض البهاق، قائلاً: "الحمد لله اولا وأخيرا انا عاوز أقول كلاااام كتير عن اللي شوفتو منكم كلمه شكرا قليلة على مشاعركم وعلي رقي كلامكم وعلي الوقت اللي ضيعتوه علشان تحسنوا الصورة المظلمة اللي كانت في عيني".

وكتب "جمال"، في تغريدة على حسابه الشخصي عبر "تويتر"، الثلاثاء، كلمات مؤثر شكرا وعرفانا لزملائه وجمهوره قائلاً: "انا بقيت شايف الابتلاء ده هدیه من ربنا علشان اشوف الحب ده والله دموعي مبتقفش وانا بشوف كلامكم اوعو تبخلو علي أي حد بدعم نفسي زي اللي دعمتوني بيه احساس الحب بينور الدنيا بيرجع الروح والأمل اللي انتو عملتوه میتقدرش".

وأضاف: "ثانيا عاوز اشكر زملائي الفنانين علي كل كلمه حلوه وكل دعم شفتو هي دي الروح اللي نفسي تفضل موجودہ مش بس بعد المرض ولا الوفاه الكلام الحلو قولوه علطول ليا ولغيري بيفرق جدا الحب بيغير الضلمه لنور".

وتابع المطرب الشاب: "ثالثا لكل القنوات اللي بتحاول تتواصل معايا من امبارح علشان تطمن عليا بشکرکم جدا بس أنا كتبت البوست ده | علشان انهي حمل علي قلبي مش علشان ابقي تريند بشکرکم طبعا بس اتمنى لما تقررو تستضيفوني يبقى على عمل فني مش مرض مقدر شغلكم طبعا بس انا مش قابل فكرة مريض انا الحمد الله اتأكدت بكلام الناس اني مش خايف ومش هترفض فبلاش أي حاجه تتفهم غلط".

وأكمل: "شكرا على اهتمامكم واشوفكم في لقاءات فنيه بعد نزول ألبومي ده أفضل نفسيا كتير ليا ومفيش مانع ساعتها نتكلم عن اني ازاي اتعايشت بيه وهتعايش بيه لو لیا عمر الحمد لله علي الابتلاء الحمد لله على حبكم ودعمكم ده دین هعيش بيه خلصتوني من سجن كنت عايش بيه كنت بصحي قبل ما اغسل وشي اعد البقع واشوفها زادت ولا لا انهارده صحيت نزلت وحبيت المحنه اللي ورتني قلوبكم وجمالها شكرا من قلبي".