■ «أنا نسبة فوزى فى القضايا عاملة زى نسبة فوز الأهلى بالدورى مضمونة 200% مش بالفهلوة، بالتعب والاجتهاد» مى عمر من مسلسل نعمة الأفوكاتو.

■ «اللى القانون ما يعرفش يجيبه إحنا بطريقنا وبره عننا» أحمد زاهر من مسلسل محارب.

■ «يقول مستر لى إنها طريقة تسويق جديدة اسمها منه فيه» نيللى كريم من مسلسل فراولة.

■ «السن صغير لكن الروح كبيرة وتستحمل» عايدة فهمى من مسلسل الحشاشين.

■ «اللى عايز يعرف مستقبله لازم يفهم تاريخه الأول ويذاكره ويحفظه» ريهام حجاج من مسلسل صدفة.

■ «الإنسى مننا إيه غير شهادة» أحمد مكى من مسلسل الكبير أوى.

■ «على مين يابا على مين، إسأل عننا جامدين ونعدى فى أى كمين، لا حس ولا خبر تفتكرنا عفاريت» غادة عادل من مسلسل لانش بوكس.

■ «زماننا كان زمن جميل لأن الستات كانت بتخرج بأمان وهى نفسيتها مرتاحة» يحيى الفخرانى من مسلسل عتبات البهجة.

■ «واحشتنى ضحكتك، قعدتك، قهوتك القناوى، إيقاعك اللى بيموتنى من البطء، حضنك الحنين، ماحدش قالك إنى بقيت تيمورية» ألفت إمام من مسلسل كامل العدد.

■ «بنتى بطحت جوزها بإيد الهون وأنا قلت لها تضربه بالجزمة بس هى اللى جَوّدت» انتصار من مسلسل أشغال شقة.

■ «إيه يا جماعة إنتو بتفطروا خناق» عصام عمر من مسلسل مسار إجبارى.

■ «الغلطة هتتصلح لما نعيد التحليل تانى إنما غلطتك فيا عمرها ما هتتصلح» عائشة بن أحمد من مسلسل بدون سابق إنذار.

■ «يا ساتر يا رب يا صباح الهرمونات» إسلام إبراهيم من مسلسل أعلى نسبة مشاهدة.

■ «أنا جبت آخرى ف الزعل وأى حد هيقف فى طريقى مش هارحمه» غادة عبدالرازق من مسلسل صيد العقارب.

■ «اقف قدام المرايا واسأل عقلك أنا أقدر أقف قدام القطر هيقولك أنا القطر» رياض الخولى من مسلسل حق عرب.

■ «أنا لا جاية أركب على حد ولا جاية أعمل عوء بس اللى هتقف فى سكتى هأشوطها» سمية الخشاب من مسلسل بـ100 راجل.

■ «دنيا ليها العجب فيها المصدى وفيها الدهب» نضال الشافعى من مسلسل جرى الوحوش.

■ «مش كل الستات اللى بتكنز الدهب ولا كل الرجالة اللى بتتفادى بيه» سهر الصايغ من مسلسل المعلم.

■ «فضول الرجالة بيوقعهم فى مشاكل ما يعرفوش فيها الصح من الغلط» إياد نصار من مسلسل صلة رحم.

■ «سبحان الله من كان يوم كنت أنا اللى واقفة قدامك مستنية منك كلمة واحدة تنصفنى وتنقذ حياتى، دلوقتى إنت اللى قدامى مستنى أنا اللى أنقذ حياتك شوفت قدرة ربنا» نرمين الفقى من مسلسل حتى النهاية.

■ «يخرب بيت دى صدفة، نيلة اسمك على اسم ابنى ونيلة اسم ابنك على اسمى» كريم محمود عبدالعزيز من مسلسل خالد نور وابنه نور خالد.

■ «إدى للحرام ضهرك هتلاقى المولى عز وجل يفتح قدامك أبواب خير ملهاش حصر» صلاح عبدالله من مسلسل العتاولة.

■ «ما هو عشان يبقى ليا لازمة لازم أربط الجزمة» أكرم حسنى من مسلسل بابا جه.

■ «من إمتى والمرمطون عنده بيت، إنت مجرد طُعم كان أبويا عايز يكدنى بيه لكن أنا كبير البيت» أمير كرارة من مسلسل بيت الرفاعى.

■ «النهاية اللى إنت عايز تغيرها مش هتعرف تغيرها عشان النهاية دى ربنا هو اللى كتبها والأرض اللى بتقولوا إنها أرضكم ورب الكعبة ما هتطولوها» حمادة هلال من مسلسل المداح.

■ «حاجتين يا ملك الزمان مالهمش نهاية، الزمن وحكايات التاريخ، الحواديت بنات الأفكار والخيال أرض الله الواسعة ومُلكه الفسيح لا يحبها حد ولا يحجبها سد» ياسمين رئيس من مسلسل جودر.

■ «اللى يقصد بابه تتفتح له أبوابه» روجينا من مسلسل سر إلهى.