صدم المطرب المصري رامي جمال، جمهوره بعدما أعلن تفكيره في الاعتزال بسبب إصابته بمرض البهاق.
وكتب "جمال"، على صفحاته الشخصية عبر "تويتر وفيس بوك"، الأحد كلمات مؤثرة قائلاً: "الحمدلله الذي أحبني فابتلاني وأقدرني على الصبر من فترة ظهرت بقع بيضا في جسمي وبالكشف عرفت أنه البهاق وجربت أنواع علاج كتير ودكاترة كتير ومفيش فايدة".
وأضاف: "رضيت وسلمت أمري لله علشان عرفت أن الزعل بيزوده وكفاية شغلانتي وصعوبتها والقل الدائم من المستقبل وفعلا بقى بيزيد لدرجة لفتت نظر ناس كتير اللي بقى يقوللي هتتعامل ازاي وأنت فنان واللي يخاف يسلم واللي يسألني هو ده معدي".
وتابع رامي جمال: "أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها لدرجة خلت ناس تقوللي شوف بيزنس تاني اعمله علشان الناس مش هتقبلك كده".
وأكمل: "فكرت في كلامهم بصراحة ولقيت أن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها يا اما مش هداريه تاني وتقبلني بيه وترحمو كل اللي ربنا ابتلاهم بيه".
تابع آخر أخبارنا على أخبار غوغول نيوز
التعليقات