أثارت صورة مسربة لثلاثي لاعبي الزمالك المصري، أثناء محاكمتهم في الإمارات، على ما بدر منهم في مشاجرة مع فرد أمن أثناء مباراة فريقهم أمام بيراميدز في نصف نهائي كأس السوبر المصري الأحد الماضي، في غضب مصري كبير على مواقع التواصل الاجتماعي.
وكتب أمير عزمي مجاهد لاعب الزمالك الأسبق عبر منصة "x"، اليوم الأربعاء: "اللي سرب الصورة دي شخص غير محترم .. ياجماعة الموضوع بقي صعب ومينفعش تشمت في اي انسان خاصة كمان ومصري مثلك .. ربنا يعديها علي خير ويفك كربهم يارب. أتمنى تأجيل المبارة. وتتلعب هنا كفاية إهانة وكفاية نقلل من نفسنا".
وقال أمير هشام المذيع بقناة النهار: "فرق كبير بين إدانة واضحة تستحق المحاسبة والعقاب وبين الإهانة .. اللي غلط طبيعي جداً يتعاقب لكن محدش أبداً يقبل بالاهانة ونشر صور ثلاثي الزمالك اثناء المحاكمة قمة الاهانة وكسرة النفس بصراحة".
وأشار اللاعب أحمد الشيخ: "تقريبا الناس من كتر الضغوط بقت مش بتفرق بين الصح والغلط والتحفيل او الشماته!.. الموضوع خارج نطاق الكورة خالص.. اللى سرب الصوره ده إنسان خسيس وماعندوش دين".
أما الإعلامي إبراهيم فايق فهاجم تسريب الصورة قائلا: "مش من حق أي حد يسرب أو يساهم أو يساعد بنشر صورة لعيبة الزمالك في المحاكمة.. عيب جدا جدا اللي بيحصل.. دول ولاد بلدنا يا جماعة ومش اهلي وزمالك دلوقتي.. استوعبوا الموقف وخطورته وقسوته على أسرهم.. الخطأ بيتعاقبوا عليه.. إنما كده لأ.. اتقوا الله ده ابتلاء واختبار صعب جدا.. متفقدوش إنسانيتكم علشان كورة".
وأكد هاني حتحوت، أن تسريب صورة ثلاثي الزمالك أثناء المحاكمة تصرف سخيف، غير لائق، غير قانوني، يستوجب الحساب الرادع.
تابع آخر أخبارنا على أخبار غوغول نيوز
التعليقات