تصدرت "الميركافا" تريند مواقع التواصل الاجتماعي في مصر، بعد انتشار صور من زيارة الرئيس المصري عبدالفتاح السيسي، للأكاديمية المصرية العسكرية، حيث كان يتفقد غرفة الشرح والدراسة، والتي أظهرت طلبة من الجيش الأكاديمية يتعرفون على نقاط ضعف "الميركافا"، أقوى الدبابات القتالية الإسرائيلية، ونظام الحماية من المقاذوفات Trophy الخاص بالدبابة.
وقال حساب على "فيس بوك": "ليه وليه بقي كذا محلل ومدون على تويتر إسرائيل بيتسألوا ليه وعشان ايه وكده يعني.. انتوا فاهمين بقى مع انه ده العادي من زمان معظم التدريبات بيكون على تدمير وتحيد أسلحه العدو بكل أنواعها".
وأضاف أخر تعليقا على الصور: "رسالة غير مباشرة طبعا لما سيادة الرئيس يبقي النهارده في الاكاديميه العسكريه المصرية وقدامه احد القادة وهو بيشرح الدبابه الميركافا وهي العمود الفقري لسلاح المدرعات لأحد الجيوش في المنطقة.. الصور دي هتوصل على مكتب نتنياهو فورا عشان لما يبص فيها ويبص على المبادرة المصرية المقدمة لحل النزاع يفكر كويس قوي ان في جيش جاهز وبيجهز ومستعد دايما للحرب دي في اي وقت ولكن لكل فعل رد فعل".
وأشار أخر: "رسايل العميقة مفيش صدف رسالة مباشرة. اللي بيتشرح مواجهة نظام تروفي اللي على الدبابة الميركافا، نظام تروفي هو نظام دفاعي بيركب على الدبابة الاسرائيلية ميركافا ويعد من أحدث الأنظمة في العالم. النظام دا لما بتضرب على الدبابة صاروخ، بيطلع م الدبابة قذيفة صغيرة تفجر الصاروخ المهاجم قبل ما يصل للدبابة".
والميركافا، هي دبابة إسرائيلية الصنع تتسع لطاقم مكون من 4 جنود ويبلغ طول الدبابة 7,6 متر وعرضها 3,72 متر وارتفاعها 2,6 متر وتبلغ من الوزن حوالي 63 - 65 طن. تبلغ أقصى سرعة لها 60 كم في الساعة.
تابع آخر أخبارنا على أخبار غوغول نيوز
التعليقات