وجه الفنان المصري، أحمد السقا، رسالة إلى المطرب والممثل تامر حسني، بعد كلام الأخير عنه بشأن خلاف بينهما بسبب فيلمهما الأخير "الفلوس" الذي عُرض قبل عام.

وكتب "السقا"، عبر صفحته الشخصية على "فيس بوك"، اليوم الأحد: "رسالة إلى صديق عزيز.. صديقي وأخي العزيز تامر حسني.. انت عارف اللى بينى وبينك عيش وملح وحاجات كتير.. قد أكون أخطأت انى اتكلمت ف الموضوع ع الهوا ولكن يعلم الله كم كنت مجروحا وكم كنت حزينا".

وأضاف: "مش هاطول عليك اكتر من كده ولو انا زعلت شوية وانت شوية نبقى خالصين يا عم".

وتابع أحمد السقا موجه حديثه إلى تامر: "تامر حسنى احنا اللى بينا كتير ماتزعلش يا عم وحقك عليه... وميعادنا الحفله اللى جايه".

كان الفنان تامر حسني، قد رد على خلافه مع الفنان أحمد السقا، بسبب ظهور الأخير في فيلم "الفلوس" كضيف شرف، وأعرب عن استيائه من ظهوره في الأفيش وكتابة أنه بطولة مشتركة معه، وأن ذلك ضره نفسيًا وفي العمل، حسبما صرح مع المذيعة وفاء الكيلاني عبر برنامج "السيرة".

وكتب تامر حسني، على صفحته الشخصية عبر "إنستجرام": "حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط، لأن الحاجات دي لا يمكن تفوتك وأنا كنت أتمنى مكتبش الكلام ده هنا بس عشان بعد كلامك في التلفزيون الجمهور الكريم بقى ليه حق إنه يفهم الصح".

وتابع: "عشان أفكرك بس، إنت كلمتني وقولتلي خبر في موقع وعليه صورة افتراضية للفيلم وكاتبين إنك بطل في الفيلم.. وأنا رديت عليك إن دي اجتهادات صحفية والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لأنها شركة كبيرة لا يمكن تعمل كدا، لأن الفيلم متباع للخارج والداخل باسم أخوك تامر حسني، وأصلًا أفيش الفيلم الرسمي نزل والناس كلها شافته وإنت مش فيه ولا فيه اسمك وكل الأبطال طالعين مرسومين، معرفش زعلك من إيه الحقيقة، كان ممكن تزعل لو الكلام دا نزل على صفحتي أو صفحة الشركة المنتجة".

وتابع: "وأنا شرحتلك دا من سنة واتكلمنا بعدها مرتين، مرة عيدت عليك في عيد ميلادك والتانية بخصوص برنامجك لو كنت لسه زعلان كنت هتقولي ساعتها، الفيلم بقاله سنة يا أحمد، أخيرًا بقى مستحيل الشركة تروج أو أنا أفوت أو أسمح باستخدام اسمك كبطل للفيلم وإنت مش فيه، لإن دا هيعود علينا كلنا بالضرر لإن الناس هتدخل الفيلم مش هيلاقوا الكلام دا فيبقى إحنا كدا بنضحك على الناس وضرينا الفيلم ولأن أكيد يشرفني إن إحنا نمثل مع بعض بطولة مشتركة لأنك حبيبي بجد ونجم أنا بحبه من قلبي فعلًا".