بعد رحلة البحث عنها أثناء تأدية مناسج الحج، أعلن أحمد سامي ابن الحاجة المصرية راجيا حسني عبد السلام المفقودة بالسعودية، وفاتها، بعد ما يقرب من 24 ساعة من غيابها.

وكتب أحمد عبر صفحته الشخصية، على فيسبوك: "أمي في ذمة الله، إنا الله، وإنا إليه راجعون".

وأضاف سامي: "كلمتنى الصبح قبل ما توصل وهي في الطريق، وكان معاها عدد من أصدقائها الحجاج، وكانت متجهة إلى جبل عرفات سيرًا على الأقدام، مؤكدًا أنها كانت مقيمة في مكة منذ شهر ونصف وتستعد لأداء مناسك الحج".

وتابع أحمد: "إحنا لحد دلوقتي منعرفش هي كانت متجهة منين لـ عرفات، ولكن على الساعة 11 الظهر كلمتني وقالت إنها رايحة جبل عرفات، وقدامها زحمة وأنها دايخة وتعبانة شوية، واطمنا عليها وقفلت، ولكن بعد شوية واحدة اتصلت من تليفونها وبتزعق وبتقول أنتم إزاي سايبنها لوحدها دي تعبانة، قولت لها إحنا في مصر عرفيني أنتم فين بالظبط وأنا هبعت لك حد، وطلبت منها تعرفني مكانهم بالظبط، وبلغتني أنهم قبل عرفات بـ 3 كيلو، ورجعت بلغتني إن أمي أغمى عليها".

وفي وقت سابق، كتب أحمد سامي، في منشور له عبر فيسبوك: "محتاج حد أعرفه في الحج.. أمي مغمى عليها في عرفات وحد كلمنا من موبايلها ميعرفهاش وبيقول إنها معاهش أي حد ومرمية في الشارع، مضيفًا: شير والنبي يا جماعة".