أثناء مداخلة بها.. وائل غنيم يفاجئ قناة مكملين الإخوانية ويفضحها على الهواء

وائل غنيم

وجه الناشط المصري السابق وائل غنيم الاتهام لقناة مكملين الأخوانية المصرية بالعمالة، كما دعاهم لرؤية مصر بشكل مختلف.

وفي مداخلة من خلال تطبيق "سكايب" أجراها وائل غنيم مع الإعلامي الإخواني سيد توكل في برنامجه المذاع على قناة مكملين، وجه له سؤالاً عن مصدر تمويل القناة التي هي المنبر الذى يخرج منه على المشاهدين، وقائلًا: "يا سيد أنا عاوز أسألك سؤال.. أنت مين بيمولك وبيمول القناة دي؟.. عاوز أعرف مين بيديك مرتبك كل شهر".

بينما اعترض توكل على سؤال وائل ممتنعًا عن الإجابة، قائلًا "مينفعش أجاوبك على الأسئلة دي ولا حتى نتطرق إليها".

وأضاف وائل غنيم "تميم بيقول عليا أنى عميل للأمن المصري.. لكن في الحقيقة العميل هو اللي بياخد فلوس علشان يلعب سياسة، وأتمنى أنكوا تعيدوا نظرتكوا لمصر بشكل مختلف، والمفروض أننا كلنا أخوات وبنحب بعض".

كما وجه الاتهام أيضًا ليحيى حامد قائلًا "يحيى حامد ساب العيال الصغيرة تتسوح في الغربة وراح خد الجنسية التركية وبقى بيزنس مان، أنا عاوز أعرف مين بيموله يا ريت حد فيكو يجاوبني بيجيب فلوس البيزنس بتاعه منين".

وأضاف وائل غنيم "أنتو من أول المكالمة وعاوزني أضرب نار وأوجه انتقادات هنا وهنا ولأشخاص بعينهم، أنا عاوز أعرف من اللي ورا يحيى حامد وعزام التميمي ومين بيديهم الفلوس دي كلها، وإيه المصلحة في إنهم يهاجموا مصر".

وتابع "غنيم": "ياريت يحيى حامد يبص للصورة الصح لمصر، وهو فاهم إن الغلط راكبه".

وكرر وائل تساؤله مطالبًا بمعرفة مصادر تمويل القناة والأشخاص ولأي جهة هم يعملون، قائلًا "نفسي أعرف مين اللى بيمولم، لو عندكم الجراءة حد يجاوبني".