أكد الفنان المصري أحمد حلمي، خلال كلمته في الجلسة الافتتاحية لمنتدى شباب العالم 2019، على  مدى أهمية الإنسانية، حيث أنها الشيء الوحيد الذي يجمعنا، رغم اختلافاتنا.

وجاء نص كلمته كالآتي: "حسيت مش مهم أقول اسمي، بس ممكن أقول جنسيتي، أنا جنسيتي إيه، حسيت بردوا إن مش هيفرق أقول اسمي أو جنسيتي في معنى الكلام ده".

وتابع حلمي: "لو حبيت أقول جملة زي أنا إنسان، لو قولتها وأنا إبراهيم أو جورج، هل هتفرق لو قالها راجل أو ست، أنا شايف إنها هتفرق وتحلو، أنا نصير الستات".

وأضاف حلمي: "الجملة هتفضل بنفس معناها أيًا كان مين اللي قالها، رغم اختلافنا كبشر ربنا جمعنا على حاجة اسمها الإنسانية، اللي جوا كل إنسان، اللي بتخليك تتقبل الآخر وتحبه وتفهمه وتسمعه، مهما كام مختلف عنك، واعتقد مش من الإنسانية نحول حلاوة وعظمة ونعمة الاختلاف لخلاف".

وأكد: "اللي خلق اختلافنا في اسمائنا وجنسياتنا وأرضنا وألواننا وعاداتنا، خلق جوانا حاجة مشتركة مفيش فيها خلاف ولا اختلاف، كلنا متجمعين مع بعض علشان هدف واحد تحت شعار واحد، اللي جمعنا إنسانيتنا، مش مهم اسمك أو لونك أو جيت منين، ليك شكل عني بيختلف، ليك دين وليا دين نقدر نعيش مع بعض دي حقيقة مؤكدة، التاريخ بيقول كده".

وانطلقت فعاليات الجلسة الافتتاحية لمنتدى شباب العالم 2019 في نسخته الثالثة من مدينة شرم الشيخ، بحضور الرئيس عبدالفتاح السيسي.

تابع آخر أخبارنا على أخبار غوغول نيوز

«حملة مواطن» لدعم السيسي تشيد بمبادرة منتدى شباب العالم لإحلال السلام

أخبار

الأمم المتحدة تعتمد قرارا يرحب بإسهامات منتدى شباب العالم في شرم الشيخ

أخبار

توصيات منتدى شباب العالم في نسخته الثالثة بشرم الشيخ

أخبار